31 сакавіка ў Вярхоўным судзе Беларусі павінен адбыцца разгляд апеляцыйнай скаргі па так званай “справе Аўтуховіча”.
Справу будзе разглядаць былы старшыня Мінскага гарадскога суда, прызначаны ў Вярхоўны суд толькі ў 2021 годзе Павел Каршуновіч.
Нагадаем, што “справа Аўтуховіча” – адна з самых гучных крымінальных спраў паслявыбарных часоў. Яе фігуранты ўнесены ў так званы “тэрарыстычны спіс КДБ”.
Па першай інстанцыі суд Гродзенскай вобласці прызнаў Мікалая Аўтуховіча вінаватым па дзесяці артыкулах Крымінальнага кодэкса, уключаючы тэрарызм, здраду Радзіме і падрыхтоўку да захопу ўлады і так далей.
Ён быў асуджаны да 25 гадоў у калоніі строгага рэжыму. Яшчэ дзесяць чалавек, якія праходзілі па той жа справе, атрымалі тэрміны ад 2,5 да 20 гадоў пазбаўлення волі.
