Мінскі гарадскі суд выклікаў грамадзян, якія паручыліся за зняволеных журналістак Алену Талкачову і Вольгу Лойка, пасля чаго ім была зменена мера стрымання.
Лойка і Талкачова былі вызваленыя з-пад варты ў 2022 годзе, але на суд не з’явіліся. Як высветлілася, яны змаглі выехаць за мяжу і таму былі абвешчаны ў вышук.
“Трое іншых абвінавачаных, якія раней уцяклі ад суда і не з’явіліся ў судовае пасяджэнне, аб’яўлены судом у вышук», — цытавала belta.by пракурор аддзела дзяржаўнага абвінавачання Генеральнай пракуратуры Таццяну Гракун.
Паведамлялася, што Лойка і Талкачова абвінавачваюцца ў дапамозе ва ўхіленні ад выплаты сум падаткаў у асабліва буйным памеры, наўмысных дзеяннях, накіраваных на ўзбуджэнне іншай сацыяльнай варожасці або варожасці па прыкмеце іншай сацыяльнай прыналежнасці, учыненых групай асоб, а таксама публічных закліках да захопу дзяржу на прычыненне шкоды нацыянальнай бяспецы Беларусі, з выкарыстаннем СМІ. Ткачэнка інкрымінавана дапамога ва ўхіленні ад выплаты сум падаткаў у асабліва буйным памеры, актыўны ўдзел у групавых дзеяннях, якія груба парушаюць грамадскі парадак.
У такіх выпадках пакаранне чакае паручыцеляў.
Згодна закону, гэта – да 500 базавых велічынь штрафа – 18 500 беларускіх рублёў.
Паведамляецца, што паручыцелямі Алены Талкачовай выступілі дэпутат Палаты прадстаўнікоў Валерый Варанецкі і палітолаг Яўген Прайгерман, а Вольгі Лойка – кіраўнік Рэспубліканскага саюза прамыслоўцаў і прадпрымальнікаў Аляксандр Швец.
Алег СНОЎ.
