Учора ў 17: 34 ратавальнікам паступіла паведамленне аб пажары ў жылым доме ў аграгарадку Заполле Клічаўскага раёна.
Як паведамляе сайт Міністэрства па надзвычайных сітуацыях, паводле інфармацыі мясцовых жыхароў, у палаючым доме мог знаходзіцца чалавек. Дом выкарыстоўваўся як дача сям’ёй з Бабруйска. Гаспадар на момант пажару знаходзіўся ў доме з сынам.
Дзіця паведаміла ратавальнікам, што калі пачаўся пажар, бацька выштурхнуў яго праз акно на вуліцу, а сам паспрабаваў выйсці праз веранду дома.
Брыгада хуткай медыцынскай дапамогі хлопчыка даставіла ў бальніцу з сінякамі і парэзамі, але шпіталізацыя яму не спатрэбілася.
А вось абгарэлы труп гаспадара быў знойдзены работнікамі МНС за некалькі метраў ад веранды дома. Прычына пажару высвятляецца.
