Сёння, 25 сакавіка, 2023 года, з 20:30 да 21:30 падсветка многіх вядомых помнікаў, а таксама асвятленне ў дамах прыватных асоб, у тым ліку ў Германіі, будуць выключаны.
Сусветны фонд дзікай прыроды (WWF) заклікае прыватных асоб, прадпрыемствы і гарады ва ўсім свеце прыняць удзел у акцыі “Гадзіна Зямлі”, якая праводзіцца ў сямнаццаты раз і павінна прыцягнуць увагу да важнай тэмы – праблемы змянення клімату, паведамляе амбасада Германіі ў Беларусі.
Гэта акцыя заклікана не толькі скараціць спажыванне энергіі, але і нагадаць аб тым, што глабальнае пацяпленне з прычыны дзейнасці чалавека ўжо на працягу шмат гадоў узмацняецца, што стварае пагрозу для экасістэм, ад якіх залежыць і сам чалавек.
