Дзяржагенцтва БЕЛТА паведаміла, што суд над Эдуардам Бабарыкам, сынам прэтэндэнта на пасаду прэзідэнта на выбарах 2020 года, пачнецца 23 мая. Справу будзе разглядаць Минскі абласны суд.
Сыну былога кіраўніка «Белгазпрамбанка» выстаўлена распаўсюджанае ў сённяшняй Беларусі абвінавачванне ў «дапамозе ў арганізацыі масавых беспарадкаў і распальванні расавай, нацыянальнай, рэлігійнай альбо іншай сацыяльнай варожасці або варожасці”. Акрамя таго, Эдуард Бабарыка абвінавачваецца ва ўхіленні ад выплаты падаткаў і легалізацыі («адмыванні») сродкаў, атрыманых злачынным шляхам.
Віктара і Эдуарда Бабарыкаў затрымалі 18 чэрвеня 2020 года, калі яны везлі подпісы для вылучэння экс-кіраўніка «Белгазпрамбанка» кандыдатам у прэзідэнты. Такім чынам, у следчым ізалятары Эдуард правёў ужо амаль тры гады.
