Прэс-служба Аляксандра Лукашэнкі распаўсюдзіла яго віншаванне суайчыннікам з нагоды Дня Незалежнасці.
«Гэтае свята — даніна пакаленням беларусаў, якія на працягу стагоддзяў адстойвалі права жыць на роднай зямлі і самастойна вызначаць уласны лёс. Яно захоўвае памяць аб бяспрыкладным подзвігу беларускага народа ў гады Вялікай Айчыннай вайны. Дэманструе гістарычную сталасць, нацыянальную годнасць і цвёрдую волю спадчыннікаў народа-пераможцы ўмацоўваць сваю дзяржаўнасць», — гаворыцца ў віншаванні.
«Сфарміраваны за гады незалежнасці духоўны, маральны, інтэлектуальны, эканамічны базіс дазваляе нам з упэўненасцю глядзець у будучыню. А народнае адзінства, добрасумленная праца і беражлівыя адносіны да сваёй зямлі з’яўляюцца залогам дасягнення самых запаветных мэт», — упэўнены Лукашэнка.
Ён пажадаў беларусам моцнага здароўя, шчасця, міру і дабрабыту.
