Такое рашэнне прыняў пленум Цэнтральнага камітэта партыі, якую часта называюць “партыяй апазіцыйных камуністаў”.
Трэба разумець, партыя здолела набраць і колькасць членаў, і колькасць рэгіянальных структур, дастатковых для рэгістрацыі ў Мінюсце.
Нагадаем, што ўлады далі беларускім партыям усяго тры месяцы, каб прайсці перарэгістрацыю. Пры гэтам умовы для рэгістрацыі сталі значна больш жорсткімі. Так, неабходная мінімальная колькасць членаў партыі павялічана ў пяць разоў — з тысячы да пяці тысяч чалавек. У сувязі з гэтым старшыня Партыі левых “Справядлівы свет” (дарэчы, адзін з нешматлікіх апазіцыйных лідараў, што застаюцца ў Беларусі) Сяргей Калякін у сакавіку заклікаў беларусаў уступаць у партыйныя шэрагі, бо вельмі важна, каб на палітычным полі Беларусі заставалася хоць нейкая альтэрнатыва.
Аднак, калі сыходзіць з прагнозаў праўладных аналітыкаў, то планаў рэгістраваць хоць якую-небудзь з апазіцыйных партый беларускія ўлады не маюць.
