Мінская ДАІ назвала самы аварыйны дзень тыдня.
І гэта аўторак. У гэты дзень за першую палову 2023 года зарэгістравана 51 ДТЗ.
Найменшая колькасць аварый адбылася ў нядзелю — 27 ДТЗ.
Па часе сутак найбольш аварыйна-небяспечнымі сталі перыяды з 6:00 да 9:00 і з 15:00 да 18:00.
Самымі распаўсюджанымі відамі аўтааварый у Мінску ў першым паўгоддзі 2023 года сталі наезд на пешахода і сутыкненне транспартных сродкаў на скрыжаванні — 104 і 42 ДТЗ адпаведна, паведамляе ДАІ ў сваім тэлеграм-канале.
У 82% выпадкаў наезды на пешаходаў адбыліся на пазначаных пешаходных пераходах.
