Лясы ўсіх раёнаў Беларусі адкрыты для наведвання — гэта вынікае з дадзеных інтэрактыўнай карты Мінлясгаса на афіцыйным сайце ведамства.
Так, на карце ў суботу ўжо не было «жоўтых» і «чырвоных» тэрыторый – усе раёны пазначаныя зялёным колерам.
Нагадаем, што абмежаванне на наведванне лясоў (пазначаецца на карце жоўтым) прадугледжвае паходы ў лес, але пры гэтым забаронена разводзіць вогнішчы, нельга заязджаць у лес на машынах і праводзіць там масавыя мерапрыемствы.
«Чырвоны» колер на карце кажа аб поўнай забароне знаходжання ў лясным масіве.
«Зялёны» — дазвол.
Паводле апошніх звестак МНС, у Беларусі не было зафіксавана лясных пажараў.
