Уяўленне пра гэта можна атрымаць, вывучыўшы адну з апошніх здзелак, калі на аўкцыёне быў прададзены комплекс маёмасці ААТ «Бярозавы край» Браслаўскага раёна.
Сума здзелкі склала 690 тысяч беларускіх рублёў.
Па ўмовах аўкцыёну інвестар абавязаўся захоўваць сельскагаспадарчую спецыялізацыю маёмасці на працягу пяці гадоў і інвеставаць у яго ўтрыманне і развіццё не менш як 200 тысяч рублёў штогод на працягу пяці гадоў. Таксама ён павінен захаваць працоўныя месцы (а на момант продажу ў штаце прадпрыемства было 58 работнікаў).
Што было прададзена за гэту суму?
Амаль уся маёмасць сельгаспрадпрыемства (больш за 240 найменняў сумарным коштам каля 4,6 мільёна рублёў), якая знаходзіцца ў аграгарадку Вайнюнцы і бліжэйшых вёсках. Гэта каля чатырох дзясяткаў сельскагаспадарчых будынкаў і збудаванняў (жывёлагадоўчыя комплексы, майстэрні і іншая вытворчая нерухомасць), а таксама 10 невыкарыстоўваемых аб’ектаў сацыяльнага прызначэння (былыя школы, бібліятэкі, клубы, ФАПы).
Акрамя таго, новаму ўласніку дасталося больш за 30 незаселеных жылых дамоў, у тым ліку двух-, чатырохкватэрныя пабудовы, размешчаныя ў 11 населеных пунктах у ваколіцах цэнтральнай сядзібы гаспадаркі. Таксама ў склад лота ўвайшлі звыш тысячы галоў буйной рагатай жывёлы.
Распродаж актываў сельгаспрадпрыемства праводзіўся па рашэнні крэдытораў у рамках працэдуры ліквідацыі сельгаспрадпрыемства, прызнанага эканамічным судом Віцебскай вобласці банкрутам. Сродкі, атрыманыя ад продажу маёмасці, пойдуць на пагашэнне запазычанасці перад крэдыторамі і пазачарговыя плацяжы. Усяго ў рэестр патрабаванняў крэдытораў уключана каля 5, 1 мільёна беларускіх рублёў. Завяршыць ліквідацыйную працэдуру неабходна да 3 лістапада 2023 года.
