Міністр інфармацыі Уладзімір Пярцоў расказаў пра ключавыя мерапрыемствы свята.
Сталіцай Дня беларускага пісьменства ў 2023 годзе вызначаны Гарадок Віцебскай вобласці.
Асноўнай тэмай свята плануецца вызначыць трыццацігоддзе Дня беларускага пісьменства.
«Сімвалічна, што гэты юбілей святкуецца на Віцебскай зямлі, бо яна дала асноўны імпульс развіццю беларускага кнігавыдання. Ефрасіння Полацкая, Францыск Скарына, Сімяон Полацкі, Васіль Цяпінскі – яны ўсе выхадцы зямлі віцебскай. Таксама ў ходзе Дня беларускага пісьменства 2023 года знойдуць сваё адлюстраванне юбілей беларускага савецкага пісьменніка, перакладчыка і драматурга Янкі Маўра (у бягучым годзе адзначаецца 140-годдзе з дня яго нараджэння), стварэнне паэмы «Тарас на Парнасе» ўраджэнцам Гарадоцкага раёна Канстанцінам Вераніцыным, а таксама гісторыя, культура і традыцыі гарадоцкай зямлі», – расказаў міністр.
Падчас свята ўзнагародзяць пераможцаў конкурсу «Нацыянальная літаратурная прэмія», міжнародны круглы стол з удзелам беларускіх і замежных пісьменнікаў, навукова-практычная канферэнцыя «Гарадоцкія чытанні» сумесна з Нацыянальнай акадэміяй навук, фінал дзіцячага конкурсу «Жывая класіка» сумесна з Міністэрствам адукацыі і ЗАТ «Сталічнае тэлебачанне».
Будуць прадавацца кнігі беларускіх выдавецтваў, папярова-белавая і сувенірная прадукцыя.
«З улікам станоўчай практыкі арганізацыі і правядзення гэтага свята ў мінулым годзе і ў мэтах больш рацыянальнага выкарыстання адміністрацыйных арганізацыйных фінансавых рэсурсаў, а таксама ўлічваючы аддаленасць Гарадка, прапануецца разгледзець магчымасць правесці ўрачыстую цырымонію адкрыцця Дня беларускага пісьменства ў суботу, 2 верасня, — прапанаваў Пярцоў. — Гэта дасць магчымасць планаваць праграму свята наступным чынам. Дзень беларускага пісьменства адкрываецца ў суботу, пачынаецца работа выставачных і гандлёвых павільёнаў Фестывалю кнігі і прэсы, а галоўная сцэна стане пляцоўкай правядзення асноўнага ўрачыстага мерапрыемства – адкрыцця свята ў найбольш выйгрышны час з пункту гледжання выкарыстання тэхнічных сродкаў, а таксама для якаснай тэлевізійнай трансляцыі. У нядзелю плануецца правесці канцэртную праграму, у рамках якой адбудзецца цырымонія перадачы вымпела сталіцы Дня беларускага пісьменства 2024 года і іншых мерапрыемстваў».
