Амерыканскі мільярдэр Джордж Сорас абверг чуткі пра сваю смерць.
«Чуткі, што ў мяне здарыўся сардэчны прыступ, не адпавядаюць рэчаіснасці. Я жывы і здаровы», — напісаў ён у Twitter.
У нядзелю ў сацсетках разышлася інфармацыя пра нібыта смерць амерыканскага мільярдэра Джорджа Сораса ад сардэчнага прыступу. Як высветлілася, чуткі пра смерць 92-гадовага мільярдэра распусцілі прыхільнікі канспіралагічных тэорый.
Карыстальнік з нікам Cillian апублікаваў «экстранную навіну» ў сваім акаўнце ў Twitter. Ён напісаў, што Джордж Сорас памёр ад сардэчнага прыступу. Пост суправаджаўся чорна-белай фатаграфіяй мільярдэра. На момант падрыхтоўкі гэтага матэрыялу пост сабраў больш за 700 000 праглядаў.
Гэта ўжо не першы выпадак з’яўлення ілжывых паведамленняў пра смерць мільярдэра. У 2013 годзе яго памылкова «пахавала» Міжнароднае агенцтва Reuters, апублікаваўшы нарыхтаваны загадзя тэкст для некралога.
