Усе магчымыя землятрусы разбіты на 12 рангаў па нарастаючай сіле – гэта так званая “шкала Рыхтэра”.
1 бал (непрыкметнае) – толькі прыборы ўлоўліваюць ваганні глебы;
2 балы (вельмі слабае) – землятрус практычна не адчуваецца людзьмі, нават у спакойным стане;
3 балы (слабае) – ваганні адзначаюцца нешматлікімі людзьмі;
4 балы (умеранае) – землятрус адзначаецца многімі людзьмі, адчыняюцца няшчыльна зачыненыя вокны і дзверы;
5 балаў (даволі моцнае) – разгойдваюцца вісячыя прадметы, рыпаюць падлогі, бразгочуць шыбы, абсыпаецца пабелка ў дамах;
6 балаў (моцнае) – землятрус вядзе да лёгкіх пашкоджанняў некаторых будынкаў: з’яўляюцца тонкія расколіны ў тынкоўцы, у печах і да т. п.;
7 балаў (вельмі моцнае) – значныя пашкоджанні некаторых будынкаў: з’яўляюцца расколіны ў тынкоўцы, адломліваюцца яе кавалкі, узнікаюць тонкія расколіны ў сценах, пашкоджваюцца дымавыя трубы;
8 балаў (разбуральнае) – назіраюцца разбурэнні ў будынках: утвараюцца вялікія расколіны ў сценах, на схілах гор з’яўляюцца апоўзні і расколіны шырынёй да некалькіх сантыметраў;
9 балаў (спусташальнае) – адбываюцца абвалы ў многіх будынках, абвальваюцца сцены, перагародкі, дах; у грунтах ўтвараюцца шырокія расколіны; абвалы, апоўзні ў гарах;
10 балаў (знішчальнае) – разбурэнне большасці будынкаў, утворацца расколіны ў грунце да метра шырынёй, абвалы, апоўзні; з-за завалаў на рэках ўзнікаюць азёры;
11 балаў (катастрофа) – характэрныя шматлікія глыбокія расколіны на паверхні зямлі, вялікія абвалы ў гарах; агульнае разбурэнне будынкаў;
12 балаў (моцная катастрофа) – адбываецца моцнае змяненне рэльефу; утвараюцца шматлікія расколіны – вертыкальныя і гарызантальныя; велізарныя абвалы і апоўзні; змяняецца рэчышча рэк, утвараюцца вадаспады і азёры; характэрна агульнае разбурэнне ўсіх будынкаў.
