Паўла Севярынца наведаў Паніка

Размова Крыстофера Панікі і Паўла Севярынца цягнуліся прыкладна паўтары гадзіны. За гэты час яны абмеркавалі становішча ў краіне і сітуацыю з палітвязнямі ў Беларусі. Дыпламат перадаў Севярынцу шмат харчавання, а таксама кнігі фіналістаў літаратурнай прэміі Ежы Гедройца.

Нагадаем, што Павел  Севярынец, сустаршыня аргкамітэту па стварэнні партыі "Беларуская Хрысціянская Дэмакратыя", быў  асуджаны  за ўдзел у акцыі пратэсту 19 снежня на тры гады «хіміі». Ён адбывае пакаранне ў спецкамендатуры №7 у вёсцы Куплін Пружанскага раёна Брэсцкай вобласці. Прадстаўнікі амерыканскай дыпмісіі наведалі спецустанову ўпершыню. Але з улікам таго, што яны кожны раз павінны браць дазвол, калі выязджаюць з Мінска, сустрэча асуджанага палітыка і афіцыйнага прадстаўніка ЗША была санкцыянавана беларускімі ўладамі.